الرئيسية / اخر الاخبار, مقالات و آراء / أفلا تتمردون؟؟

أفلا تتمردون؟؟

Posted by Unknown اخر الاخبار, مقالات و آراء 1:24:00 م

بقلم/ عبدالحميد شومان

يا أستاذ يا عم يا خال يا ست وياخالة وياعمة هو أنتوا ليه لحد دلوقتي ماخدتوش قراركم

و حسمتوا اختيارك بالانضمام إلي ركب إنقاذ مصر و إخراجها من الظلام إلي النور , أنت ليه متردد توقع استمارة تمرد أو تنزل تشارك يوم 30 يونيه , ليه بتقول ندي فرصه ,؟؟ يا قلبك الآسي علي مصر يا جدع لسه عايز تدي فرصه عشان بهدلة مصر و بهدلتك أكثر من كده , لسه عايز تهين نفسك و تفرط في أرضك و ضياع بلدك, ياريت تصحي و تشغل عقلك شوية , مصر تستحق أنك تفكر

و تقرر , أولادك يستحقوا تخاف علي مستقبلهم , طيب ممكن أسألك سؤال ليه حضرتك عايز تدي فرصة؟ أية؟ بتقول أية؟ لأنه رئيس مسلم يصلي و ملتحي! بص يا سيدي لو كان مسلم ما هو أحنا كلنا مسلمين , لو بيصلي دي علاقة بينه و بين ربنا , ملتحي وأية يعني دي مش ميزه ولا دليل علي إيمانه تعرف ليه؟ لان القسيس ملتحي و الحاخام ملتحي , بتقول أية؟ ده رئيس يمثل المشروع الإسلامي؟ ... عيب عليك يا راجل تختزل الإسلام في مشروع, لان الإسلام أكبر من الإخوان و أعظم من السلفيين و أنبل من اعتباره مجرد مشروع يحتمل النجاح أو الفشل , ممكن تفهمنا هما عملوا أية أصلا للإسلام ؟غير التجارة و النصب باسمه , طيب فين الشرع و الشريعة اللي طبقوها؟ ولا هي كانت مجرد شعارات عشان يضحكوا بيها علي الغلابة و الطيبين , حللوا القروض وقالوا علي الفوائد مصاريف إدارية " مش برضو ده اسمه ربا! " و بدل ما يحرموا الخمور فرضوا عليها ضرائب عشان يصرفوا منها علي مشروعهم التمكيني رغم أنها محرمة بنص قرآني, و مش كده وبس الحاكم العابد الناسك الزاهد المؤمن مد ترخيص الكباريهات و النوادي الليلية من سنة أيام مبارك إلي ثلاث سنوات و كله بما لا يخالف شرع الله !! يبقي فين الإسلام من أفعالهم و قراراتهم و قوانينهم؟ فوق يا مصري و شيل الغشاوة من علي عينك و شوف حال مصر بعد 12 شهر من الحكم بقي أزى تحولت من المحروسة إلي المنحوسة المتعوسة الموكوسة , سنة وحده بس مليئة بالإخفاقات اللي رجعتنا 100سنة للوراء ومنها علي سبيل المثال لا الحصر.:-

-1 الفشل في إدارة أزمة سد النهضة الإثيوبي
2 -تفاقم مشكله الكهرباء و السولار
-3 الارتفاع الجنوني للأسعار
-4ارتفاع نسبة الفقر و البطالة
-5هروب الاستثمارات و خسائر البورصة
-6ارتفاع دين مصر بمعدل 2,5 مليار دولار شهريا
-7هروب الاستثمار و رؤؤس الأموال
-8إغلاق عدد من المصانع و تسريح العمال
-9ارتفاع الدولار أمام الجنيه

- 10 سيطرة الإرهابيين علي سيناء
11 - خفض التصنيف ألانتمائي لمصر لأدني مستوي
12 -انهيار قطاع السياحة
13 -تعذيب وقتل النشطاء والمعارضين
14 -أخونة وزارة التعليم و جميع الوظائف القيادية بالدولة

15-غياب الأمن و ارتفاع معدلات التحرش و السرقة والخطف
16 -انخفاض الاحتياطي النقدي بما يهدد مصر بشبح الإفلاس
-17تدني مكانة مصر عربيا و دوليا
18 -تدهور الأوضاع الاقتصادية و تبني سياسة الشحاتة و مد الأيادي
19 -تعمد إفشاء أسرار عسكرية و إستراتيجية تهدد الأمن القومي
20-غل يد القوات المسلحة في هدم الإنفاق رغم ما تسببه لمصر من أخطار
-21 فرض ضرائب جديدة علي مرتبات الموظفين و العاملين
-22محاولة الاستيلاء علي محور قناة السويس و جعله إقليم غير خاضع لقوانين مصر
-23 تفصيل قوانين تصب في مصلحة الجماعة
-24تعين نائب عام خاص ملاكي للإخوان
25 -استمرار عبث مجلس الشورى الباطل بـ الحياة التشريعية
-26 استهداف جنود الجيش و الشرطة بالخطف و القتل
-27 عدم تطبيق الحد الأدنى و الأقصى للأجور
28-حماية الإرهابيين و المتطرفين
-29 الكذب و عدم الوفاء بالالتزامات و الوعود
-30الإستقواء بأمريكا و مهادنه الصهاينة
-31 عمل دستور معيب غير توافقي
-32 التعامل بـ أسلوب المغالبة لا المشاركة
-33تقسيم الشعب و بث الفتن
-34 قمع الحريات و انتهاك حقوق الإنسان
-35 منظمة العمل الدولية وضعت مصر علي القائمة السوداء
-36 انتشار الأسلحة بشكل مخيف و ازدياد حالات العنف
-37 أعادة قانون الطوارئ
-38تعين حكومة فاشلة عاجزة
-39عدم الولاء لمصر و الولاء الكامل للتنظيم الدولي و الأهل والعشيرة.

40 - تجاهل مطالب الشعب وضربها بعرض الحائط واتباع

سياسة عواء الشعب والقافلة تسير وإستعراض النفوذ والتوعد الدائم.
أبعد كل هذا الفشل و الأسباب التي تدعو للقلق علي مصير الوطن لازالت نفوسكم مترددة عازفه عن المشاركة في المد الثالث للثورة ؟
ألا تكفيكم كل هذه الإخفاقات السياسية و الاقتصادية لـ تغضبون , كل هذا التجريف للحياة الاجتماعية و الثقافية و الإبداعية و المهانة و دنو المكانة بعد أن كانت مصر تاج العلا في مفرق الشرق أفلا تتمردون! شغلوا عقولكم و حكموا ضمائركم مصر تستغيث بكم أفلا تثورون!!