خارج نطاق الخدمة ( يوميات ضابط شرطة )
مقالات و آراء 12:04:00 م
عضو مجلس أدارة النادي العام لضباط الشرطة
عندما يسال ضباط الشرطة بعض الاسئله ولا احد يجيب مطلوب منهم بس يسمعوا....انما يعترضوا او يتكلموا..لا يجوز....للمواطن حق السؤال والاستفسار والانتخاب والاعتراض ولكن ضابط الشرطة قد يكون مسلوب فى كل هذا.
مش ملايكة لا سمح الله ولكن عندنا شوية اسئله وعايزين حد يجاوبنا عليها ليه اللى قاموا بالاعتداء على نادى الشرطة بالجزيره محدش حقق معاهم بالرغم من انها منشاه عامه تم حرقها عمدا والاعتداء على الاطفال والنساء بداخلها؟؟؟؟؟؟؟؟؟؟؟.
ليه لما ضابط الشرطة بيعتدى على حد فى الشارع وبيتجاوز الدنيا بتتقلب عليه ويتعمل مولد وسيرك عشان الضابط او العسكرى غلط وهو بيادى شغله.....انما لو تم الاعتداء عليه محدش بيتكلم خالص ليه الضابط اللى كان مروح قدام الاتحاديه الاسبوع اللى فات ووقفوه ونزلوه من البوكس اللى كان راكبه وسحلوه وهو لابس ميرى فى الشارع واتلم عليه حوالى 15 نفر وعجنوه ضرب ..متحققش فى واقعته؟؟؟؟.
ولما حرقوا البوكس اللى هو ملك الدوله وبييجى زى ما بيقولوا من فلوس الناس وطلع اللى حرقه اتبول عليه محدش قربله وكلنا كنا شايفينهم ومحدش حقق معاهم؟؟؟؟؟؟؟؟؟؟؟؟؟؟؟؟؟؟.
عايزنى اطبق القانون ازاى وحقوق الانسان وهى متطبقش عليا...فاقد الشىء ايه....؟؟؟؟؟
لما بنتشتم فى الاعلام بابشع الالفاظ لدرجة خلت اعلامى قال اننا صهاينه وواحده تانيه قالت عالهوا" هى عقيدة الداخلية دين ابوها ايه؟؟؟؟؟ " ..اعتذر عن اللفظ بس اتقال وموجود عالفيديو عاليوتيوب يبقى احنا كده فى قانون زينب زى ما بيقولوا وخدوا بقى الادهى من كده.....من يومين اتمسك ممثل شهير بادوار البلطجه والمسجلين خطر فى افلامه اسمه الحقيقى محمد رمضان والشهره عبده موته....واتمسك فى كمين فى نص الليل يعنى الضابط سايب بيتهم فى انصاص الليالى ونازل يشوف شغله وواجبه وكان ممكن ميشتغلش اصلا عشان شايف زمايله كل يوم يموتوا ومحدش بيسمع عنهم ولا بينفع اهلهم او يحس بيهم بعده....المهم الضابط نزل اشتغل زى ما كلنا جوانا المبدا ده لان ده واجب قدام ربنا ومسك الاخ الممثل ومعاه فرد خرطوش فيه طلقات.....بس ادى كل القصه تقوم الدنيا تتقلب و احد الاعلاميين المبجلين يستضيف البيه ويطلعه انه بطل قومى وشعبى وثورى وان الضابط الوحش المفترى ظلمه ولفق القضيه.......انا مش عارف اقول ايه...ده بقى اسمه اسفاف او هزل صريح عشان لما بنشتغل اهو يقولوا تلفيق ولما بنموت واحنا بنشتغل يقولك ماهو واجبك ومهنتك اللى اخترتها ولما نتصاب ونترمى فى المستشفيات يقولك نصيبك كده ...نعمل ايه بقى؟؟؟؟؟؟؟؟؟.
وامبارح بقى مجموعة من الضباط اللى اقسمت انها لازم تشتغل بالقانون العقيم الموجود والمليان بسلبيات نزلوا فى ميدان لبنان على بلاغ سرقه لشركه على ايد بلطجية وكانت خناقه بلدى او اشبه بعركه فى خماره والحمد لله اتقبض عليهم بس تعالو شوفوا منظر الضباط من الدم اللى سايل والبهدله اللى حصلت كان عامل ازاى؟؟؟؟؟؟؟؟؟؟؟.
احنا بنعانى يا ساده ولما بنغلط السكاكين بتكتر علينا ولما بنتهان او نتضرب او نموت او نتصاب يقولك ضبط النفس ولما نقبض على اللى اعتدى علينا ونوديه النيابه بتفرج عنه ب 100 جنيه
ولما نسال ليه كل المكتوب فوق ده بيحصل تلاقى الاجابه """ خارج نطاق الخدمه """"0
فعلا فى حاجات كتير خارج نطاق الخدمه اولهم القانون والاخلاق
الكاتب Unknown
on 12:04:00 م.
يندرج تحت تصنيف
